सजलो तुझ्याचसाठी
हसलो तुझ्याचसाठी ||
खेळात रंगतांना
हरलो तुझ्याचसाठी .....
****
नशिबात व्हायचे ते
मी भोगले कधीचे ||
चटके उन्हातले मी
साहतो तुझ्याचसाठी .....
****
जेव्हा कधी तुझ्याशी
वाटे रमून जावे ||
तुडवित खाच खळगे
येतो तुझ्याचसाठी .....
****
जाऊ नको मला तू
सोडून दूरदेशी ||
जे मागतील मजला
देतो तुझ्याचसाठी .....
****
स्वप्नातल्या सुखांना
सजवू नको कधीही ||
प्रत्यक्ष मीच आता
येतो तुझ्यासाठी .....
****
आला वसंत फुलूनी
बहरात यौवनांच्या ||
हृदयातल्या गीतांना
गातो तुझ्याचसाठी .....
No comments:
Post a Comment